اشتاق لمعاندك واشتاق لعتابك

غمض عيونك وضم الليل بأهدابك
وعطني يدينك أبيها تلامس يديني

يصحى لك الشوق لامن الحكي جابك
ويغفى بي الهم لامن غبت ياعيني

كل ماطروك أنكسر قلبي وغنّى بك
وكل ماحكو فيك قام الدمع يشقيني

ودعت أنا راحتي ونو مي من أسبابك
وصرت أتعطش وشوفك بس يرويني

كل المشاوير توقف بي على بابك
أنسى الخلايق ولا أنساها عناويني

أشتاق لمعاندك وأشتاق لعتابك
ودي أضمك وشوفي الشوق مضنيني

أذكر تفاصيل وريح العطر بثيابك
وأذكر زعلنا وعتابك لي يبكيني

سقى الله أيامنا راحت مع غيابك
هذي النهايه ونار البعد كاويني